Kombëtarja e Kosovës luan sot ndaj Rumanisë në kuadër të Ligës së Kombeve
Kombëtarja e Kosovës do të ndeshet sonte me Rumaninë në një përballje të rëndësishme për Ligën e Kombeve. Takimi është pjesë e xhiros së pestë të Grupit 2 në Ligën C, dhe do të luhet në stadiumin “Arena Naționale” në Bukuresht, me fillim nga ora 20:45.
Për Dardanët, kjo ndeshje është kyç për vazhdimësinë e garës për pozitën e parë në grup. Djemtë e trajnerit Franco Foda kanë nevojë për fitore për të mbajtur shpresat e tyre për të avancuar.
